30.06.2026 | 11:27
Քրեական վարույթ՝ Վանաձորում օդաճնշիչ ատրճանակից կրակոցների դեպքով
Արցախում հաստատվել է կորոնավիրուսի 13 նոր դեպք
08.05.2021 | 12:17
Արցախում մայիսի 8-ի ժամը 11։00-ի դրությամբ, երկու օրվա հետազոտությունների արդյունքում հաստատվել է կորոնավիրուսային հիվանդության 13 նոր դեպք։ Վարակակիրները նախկինում հաստատված օջախների կոնտակտավորներ են. այս մասին հայտնում են Արցախի առողջապահության նախարարությունից։
Մայիսի 5-6-ը ներառյալ կատարվել է 174 թեստավորում։ Թեստավորման ընդհանուր թիվն, այսպիսով, Արցախում հասել է 24 343-ի։ Հաստատվել է կորոնավիրուսային հիվանդության ընդհանուր 2699 դեպք։ 2021 թվականի սկզբից կորոնավիրուսի լաբորատոր հայտնաբերման նպատակով իրականացվել է 6888 քաղաքացու հետազոտություն, որից 815-ի մոտ արձանագրվել է թեստի դրական պատասխան։
Կորոնավիրուսային հիվանդությունից այս պահին Արցախում ստացիոնար բուժում է ստանում 16 վարակակիր, իսկ թեթև hիվանդները ամբուլատոր բուժում են ստանում տնային պայմաններում:
