17.09.2026 | 13:47
ԱԺ-ն ՏԿ և ՇՄ պահպանության հարցերի հանձնաժողովի նախագահ է ընտրում. ՈւՂԻՂ
Թուրքիայի ԱԳՆ-ն արձագանքել է Լատվիայի խորհրդարանի կողմից Հայոց ցեղասպանության ճանաչմանը
Քաղաքականություն
06.05.2021 | 15:34
Թուրքիայի ԱԳ նախարարությունը դատապարտել է Լատվիայի խորհրդարանի կողմից Հայոց ցեղասպանության ճանաչումը։ Այս մասին գրում է «Անադոլու» գործակալությունը։
«1915 թվականի իրադարձությունները որպես ցեղասպանություն ճանաչելու՝ Լատվիայի խորհրդարանի կողմից այսօր ընդունած որոշումը փորձ է՝ վերաշարադրելու պատմությունը քաղաքական նկատառումներով։ Մերժում ու խստորեն դատապարտում ենք այդ ձախողված ու անօրինական որոշումը։ Խորհրդարանները պատմություն գրելու և մեղադրանքներ առաջադրելու հարթակ չեն»,- ասվում է Թուրքիայի ԱԳՆ հայտարարության մեջ։
Նշենք, որ այսօր Լատվիայի խորհրդարանը 58 «կողմ» ձայնով ընդունել է Հայոց ցեղասպանությունը ճանաչող բանաձև։
Էմմա Չոբանյան
