23.04.2026 | 21:21
Բյուրեղավանում համաճարակի հետևանքով շուրջ երեք տասնյակ բնակիչներ բուժվում են ստացիոնարում. նրանց վիճակը վերահսկելի է
Պատվաստված անձինք Հայաստան մուտք գործելիս ՊՇՌ թեստ չեն հանձնի. Անահիտ Ավանեսյան. ՏԵՍԱՆՅՈՒԹ
06.05.2021 | 11:30
Կառավարության նիստում քննարկվում է Կարանտինի մասին որոշման մեջ փոփոխությունների նախագիծը:
«Կորոնավիրուսային հիվանդության կանխարգելման նոր միջոցների ներդրումը հնարավորություն է ընձեռել վերանայել սահմանափակումների շրջանակը: Ճկուն կերպով փորձում ենք ներդնել պատվաստումային գործընթացը՝ դրան զուգընթաց նաև հետևելով այլ երկրներում տեղի ունեցող արագ փոփոխություններին՝ թեթևացնել կարանտինի մասին որոշման կետերը: Նախագծով այն քաղաքացիները, որոնք կունենան պատշաճ պատվաստման հավաստագիրը՝ «կանաչ» անձնագիրը, այսինքն՝ երկու դեղաչափ ստացած կլինեն, այսուհետև մեր երկիր գալու համար լրացուցիչ ՊՇՌ թեստի հանձնման կարիք չեն ունենա: ՊՇՌ թեստի բացասական արդյունքը և պատվաստման կանաչ անձնագիրը հավասարապես կգործեն որպես սահմանի հատման պահանջ»,- ներկայացրեց ՀՀ առողջապահության նախարարի պաշտոնակատար Անահիտ Ավանեսյանը՝ հավելելով, որ պետք է ուշադիր լինել, թե ՀՀ-ից մեկնելու դեպքում տվյալ երկիրը ինչ պահանջ է ներկայացնում:
Նախագծով նախատեսված փոփոխությունների համաձայն՝ հանվել է մինչև մեկ տարեկան երեխաներին երկրի մուտք գործելուց ՊՇՌ թեստավորման պահանջը:
«Որոշել ենք նաև հստակեցնել ՊՇՌ արդյունք չունեցող և հրաժարվող քաղաքացիների մեկուսացման և հոսպիտալացման կարգերը, քանի որ մեր օրենքը հնարավորություն է տալիս երկու ռեժիմ կիրառել: Եթե անձը ունի որոշակի սիմպտոմներ, ապա նա ենթակա է հոսպիտալացման, բայց եթե չունի որևէ սիմպտոմ, այլ ուղղակի հրաժարվում է ՊՇՌ թեստ հանձնել և չունի պատվաստված լինելու մասին հավաստագիր, ապա նրա նկատմամբ կիրառվում է մեկուսացման ռեժիմը»,- նշեց Ավանեսյանը:
Մանրամասները՝ տեսանյութում:
