Քաղաքականություն
05.05.2021 | 15:18
Պաշտոնական այցով Ադրբեջանում գտնվող Վրաստանի վարչապետ Իրակլի Ղարիբաշվիլին հանդիպել է Ադրբեջանի նախագահ Իլհամ Ալիևի հետ. տեղեկացնում է 1tv.ge-ն:
Ադրբեջանական լրատվամիջոցները հրապարակել են հանդիպման լուսանկարները:
Իլհամ Ալիևը «Զագուլբայի» պալատում հյուրընկալեց Իրակլի Ղարիբաշվիլիին:
Նախատեսվում է, որ Վրաստանի կառավարության ղեկավարը կհանդիպի իր ադրբեջանցի գործընկեր Ալի Ասադովի հետ:
Վարչապետը հանդիպում կունենա նաեւ Ադրբեջանի Հանրապետության միլիմեջլիսի խոսնակ Սահիբա Գաֆարովայի հետ:
Պաշտոնական պատվիրակությանն ուղեկցում է փոխվարչապետ, արտաքին գործերի նախարար Դավիթ Զալկալիանին: Այցի ընթացքում Վրաստանի արտգործնախարարը դեմ առ դեմ հանդիպում կանցկացնի Ադրբեջանի արտաքին գործերի նախարարի հետ:
