18.02.2026 | 14:44
Իրանի և Ռուսաստանի ռազմածովային ուժերը վաղը համատեղ զորավարժություններ կանցկացնեն
Այս նահանջը ԶԼՄ-ների համար պետք է ազդակ լինի․ Աշոտ Մելիքյանը՝ ՀՀ-ում խոսքի ազատության ցուցանիշի մասին. ՏԵՍԱՆՅՈՒԹ
Հասարակություն
03.05.2021 | 14:23
2021 թվականին Հայաստանը մամուլի ազատության համատեքստում 180 երկրից զբաղեցրել է 63-րդ տեղը, 2020-ին և 2019-ին՝ 61-րդ: «Մայիսի 3, Մամուլի ազատության օր. իսկ ազա՞տ է մամուլը» թեմայով առցանց քննարկման ժամանակ այս մասին նշեց Խոսքի ազատության պաշտպանության կոմիտեի նախագահ Աշոտ Մելիքյանը: Նրա դիտարկմամբ՝ վարկանիշային ցուցակում նահանջը լրատվամիջոցների և լրագրողների համար պետք է ազդակ հանդիսանա, որովհետև հետհեղափոխական շրջանում սա առաջին տարին է, երբ Հայաստանն իր դիրքերը զիջում է:
Մելիքյանի խոսքվ՝ ապատեղեկատվությունը լայն տարածում է ստացել. «Տեսնում ենք՝ ինչպիսի լայն տարածում է ստացել ապատեղեկատվությունը, մանիպուլյացիաները, վիրավորանքն ու զրպարտանքը, և իհարկե, դա տեսնում ենք նաև մեր տեղեկատվական դաշտում: Կարծում եմ՝ դա ԶԼՄ-ների գործունեության մեջ ամենամեծ խնդիրն է: Կարծում եմ հենց պանդեմիայով լրատվամիջոցները շատ մեծ նահանջ ապրեցին: Լրատվամիջոցներն էլ ավելի են ընկնում տարբեր քաղաքական ուժերի ֆինանսավորումից կախման մեջ: Սա, իհարկե, նկատվում է ինչպես աշխարհով մեկ, այնպես էլ Հայատանում»,- ընդգծեց Մելիքյանը:
Նրա խոսքով՝ ինչքան լրատվամիջոցները կախվածության մեջ են մնում քաղաքական ուժերից, բիզնես շրջանակներից, այնքան նվազում է նրանց ազատությունը:
Անդրադառնալով օրենսդրական նախաձեռնություններին՝ Մելիքյանը նշեց, որ վերջին տարվա ընթացում բազմաթիվ ռեգրեսիվ օրենսդրական նախաձեռնություններ են առաջ եկել, որոնք մեծ ջանքեր են պահանջում լրագրողական կազմակերպություններից, որպեսզի հակազդեն այդ ռեգրեսիվ միտումներին: «Խոսքս և՛ ԶԼՄ օրենքում առաջարկվող փոփոխության, և՛ Քաղաքացիական օրենսգրքում վիրավորանքի և զրպարտության համար հոդվածի մասին է»,- հստակեցրեց Մելիքյանը՝ տեղեկացնելով, որ լրատվամիջոցների դեմ դատական գործերի ամենամեծ ալիքը 2019 թվականին էր, դրանց թիվը հասել էր 100-ի:
Մանրամասները՝ տեսանյութում:
