09.09.2026 | 08:46
Փաշինյանը մեկնել է Ֆրանսիա՝ մասնակցելու Միջազգային տիեզերական գագաթնաժողովին
ՌԴ-ի կողմից Օդեսայի հրթիռակոծության հետևանքով զոհեր և վիրավորներ կան
Քաղաքականություն
18.11.2024 | 18:09
Օդեսայում ռուսական բանակի հրթիռային հարձակման հետևանքով զոհվել է 8 մարդ, վիրավորվել՝ 18-ը, այդ թվում՝ երեխա։ Այս մասին հայտարարել է Օդեսայի տարածաշրջանային ռազմական վարչակազմի ղեկավար Օլեգ Կիպերը, գրում է Current time-ը։
Նրա տվյալներով՝ տուժածներից 4-ի վիճակը ծանր է։ Կիպերը նաև նշել է, որ վնասվել են քաղաքացիական ենթակառուցվածքներ, մասնավորապես՝ բնակելի շենքեր։
Գերագույն Ռադայի պատգամավոր Ալեքսեյ Գոնչարենկոն էլ ասել է, որ «հրթիռը, որը չի պայթել, հարվածել է Օդեսայի ուսումնական հաստատություններից մեկի պատուհանին»։
Ավելի ուշ Կիպերը հայտնել է, որ տուժածների թիվը հասել է 39-ի, նրանց թվում 4 երեխա կա՝ 7-ից 11 տարեկան։ Նրանք հոսպիտալացվել են միջին ծանրության իրավիճակում։ Նա նշել է նաև, որ հիվանդանոցներիում 30 վիրավոր մեծահասակ կա, նրանցից երեքի վիճակը ծայրահեղ ծանր է։ Հրթիռային հարձակման հետևանքով տուժողների թվում են նաև բժիշկներ և ոստիկաններ։
Ուկրաինայի ՆԳՆ վերջին տվյալներով՝ հարձակման հետևանքով զոհվել է 10 մարդ, որից 7-ը՝ իրավապահ, ինչպես նաև մեկ բուժաշխատող և երկու քաղաքացիական անձ։ Վիրավորվել է 43 մարդ։
Նոյեմբերի 15-ին էլ ռուսական զորքերը հարձակվել էին Օդեսայի վրա հարվածային անօդաչու թռչող սարքերով։ Արդյունքում զոհվել էր մի կին, վիրավորվել՝ 8 մարդ, այդ թվում՝ երեխա։
Թարգմանությունը՝ Էմմա Չոբանյանի
