18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
Վրաստանում սահմանվել է 2000 լարի տուգանք՝ տոնական օրերին գերեզմանատներ այցելելու համար
Քաղաքականություն
01.05.2021 | 19:14
Վրաստանի կառավարության որոշմամբ` մայիսի 2-ից 4-ը ներառյալ գերեզմանատներ այցելելն արգելվում է, գրում է aliq.ge-ն։ Ավելին` արգելքը խախտելու դեպքում սահմանվում է տուգանք՝ 2000 լարի՝ կորոնավիրուսի տարածման կանխարգելման կարգավորումները խախտելու համար:
Վրաստանի Ներքին գործերի նախարարությունը պարզաբանում է՝ տուգանքը չի սահմանվի միայն թաղման արարողության դեպքում:
ՆԳՆ-ն կոչ է անում ցուցաբերել բարձր քաղաքացիական պատասխանատվություն և ենթարկվել գոյություն ունեցող կարգերին:
Ի դեպ` զատկական տոների սահմանափակումներ սահմանվել էին նաև նախորդ տարի: Այն ժամանակ գերեզմանատների մուտքերը 10 օր փակ էին: Վրաստանում Զատկի տոնին քաղաքացիները գերեզմանատներում տոնական սեղաններ են բացում, ժամեր անցկացնում հարազատների շիրմաքարերի մոտ, նույնիսկ կենդանի երաժշտություն է հնչում: Երկու տարի է` այս ավանդույթը խախտվել է:
Հիշեցնենք՝ Վրաց Ուղղափառ եկեղեցին այս տարի Սուրբ Զատիկը նշելու է մայիսի 2-ին: Զատկի տոնի հետ կապված Վրաստանում ապրիլի 30-ից մինչև մայիսի 3-ը ոչ աշխատանքային օրեր են հայտարարված:Ավելի վաղ Վրաստանի կառավարությունը հայտարարեց, որ երկրում մայիսի 4-11-ը կհայտարարվեն ոչ աշխատանքային օրեր: Ելնելով մայիսի 9-ի և 12-ի տոներից, Վրաստանում ապրիլի 30-ից մինչև մայիսի 12-ը ներառյալ կլինեն հանգստի օրեր:
