26.11.2024 | 23:20
Ադրբեջանում պահեստազորի սպաները բողոքի ակցիա են անցկացրել՝ պահանջելով իրենց հասանելիք վճարումները
Չի բացառվում՝ «Ռենջ Ռովեր»-ի որևէ պահեստամաս էժանացել է 90 տոկոսով. Նիկոլ Փաշինյան
Տնտեսություն
15.02.2018 | 16:28
Կառավարության ներկայացրած 2.6 տոկոս գնաճն իրականությանը չի համապատասխանում։ Այս մասին Ազգային ժողովի տնտեսական հարցերով մշտական հանձնաժողովի նիստի ժամանակ հայտարարեց ԱԺ «Ելք» խմբակցության ղեկավար Նիկոլ Փաշինյանը։
«Գների հայտնի թանկացումից առաջ էս 40 անուն ապրանքի էսքան նշված պայմանական միավորը գնելու համար մենք կծախսեինք 26810 դրամ, իսկ գների թանկացումից հետո մենք կծախսենք 32707 դրամ։ Երբ հաշվում ենք այս տարբերությունը, ստանում ենք 21,9 տոկոս։ Ես չեմ պնդի, որ սա էն գնաճն է, որը մեթոդաբանորեն պետք է ստանալ, բայց ես կպնդեմ՝ ՀՀ քաղաքացին ամեն օր խանութում զգում է գնաճը իր գնումները կատարելիս։ Ես չեմ բացառում, որ օրինակ «Ռենջ Ռովերի» որևէ պահեստամաս 90 տոկոսանոց գնանկում է արձանագրել, չեմ կարող բացառել, բայց եթե «Ռենջ Ռովերի» 90 տոկոսով թանկացած մասը դնենք էս վարժության մեջ, կպարզվի որ մեր գնաճը ընդամենը 2 տոկոս է։ Բայց համաձայնվեք՝ ՀՀ քաղաքացիների 90 տոկոսը գնում է կարագ, լոլիկ, խոզի միս, գառան միս, խառը կանաչի, խնձոր, բայց 90 տոկոսը չի գնում «Ռենջ Ռովերի» էժանացած պահեստամաս»,-նշեց Նիկոլ Փաշինյանը։
Մանրամասները՝ տեսանյութում:
