30.06.2026 | 11:27
Քրեական վարույթ՝ Վանաձորում օդաճնշիչ ատրճանակից կրակոցների դեպքով
Ղրղզստանի ու Տաջիկստանի նախագահները քննարկել են սահմանին տիրող լարված իրավիճակը
Քաղաքականություն
30.04.2021 | 19:10
Ղրղզստանի նախագահ Սադիր Ժապարովը և Տաջիկստանի նախագահ Էմոմալի Ռահմոնն այսօր քննարկել են երկու երկրների սահմանին տիրող իրավիճակը: Այս մասին հայտնում է Ղրղզստանի ղեկավարի մամլո ծառայությունը, գրում է ՏԱՍՍ-ը։
«Պետությունների ղեկավարները քննարկել են ղրղըզ-տաջիկական պետական սահմանին իրավիճակի շուտափույթ ապաէսկալացիայի համար անհրաժեշտ շուտափույթ քայլերը։ Ժապարովն առանձնակի շեշտել է, որ ղրղզական կողմը վճռական է՝ լուծել միջպետական հարցերը երկխոսության ճանապարհով և կայուն իրավիճակ պահպանել ղրղըզ-տաջիկական պետական սահմանի հատվածում»,- ասված է հայտարարության մեջ։
Ղրղզստանի և Տաջիկստանի նախագահները պայմանավորվել են դեմ առ դեմ հանդիպում անցկացնել Դուշանբեում:
«Պետությունների ղեկավարները պայմանավորվել են լուծել ստեղծված իրավիճակը բացառապես խաղաղ ճանապարհով և դեմ առ դեմ հանդիպում անցկացնել Դուշանբե քաղաքում այս տարվա մայիսի երկրորդ կեսին»,- ասված է հաղորդագրության մեջ:
Ղրղզստանն ու Տաջիկստանը մայիսի 1-ին հերթական բանակցությունները կանցկացնեն սահմանազատման հարցի շուրջ:
Տաթև Ֆռանգյան
