25.02.2026 | 21:42
Ադրբեջանի կառավարական աղբյուրները պնդում են, թե Վաշինգտոնում Ալիևի դեմ բողոքի ցույցերի հետևում կանգնած է Ռուսաստանը
Ովքե՞ր են Ազգային ժողովի 11 միլիոնատեր պատգամավորները
Հասարակություն
15.02.2018 | 12:45
2017թ. մայիսի 18-ի դրությամբ ԱԺ պատգամավորները միասին հայտարարագրել են՝ 29.4 մլրդ դրամ կամ 60.9 մլն դոլար։ ԱԺ 101 պատգամավորների հայտարարագրած ընդհանուր դրամական միջոցների 99.5%-ը բաժին է ընկնում ՀՀԿ և «Ծառուկյան» խմբակցություններին: Այս մասին տեղեկանում ենք «Մանդատ» ՀԿ-ի ներկայացրած «ԱԺ մոնիթորինգ» ծրագրի՝ 6-րդ գումարման ԱԺ գործունեության դիտարկման արդյունքներից:
Ըստ այդմ՝ ՀՀԿ-ի դրամական միջոցները ավելի շատ են, քան «Ծառուկյան» դաշինքինը՝ 15.4 մլրդ դրամ՝ 13.9 մլրդ դրամի դիմաց։
ՀՅԴ խմբակցության դրամական միջոցները 189.4 մլն դրամ են, «Ելք»-ինը՝ 35.4 մլն դրամ։ Ամենից շատ դրամական միջոցներ հայտարարագրած պատգամավորը, ինչպես և նախորդ գումարման խորհրդարանում, Գագիկ Ծառուկյանն է՝ 9 մլրդ 90 մլն դրամ կամ 18.8 մլն դոլար։ Երկրորդը ՀՀԿ-ական Սամվել Ալեքսանյանն է (4 մլրդ 249.8 մլն դրամ կամ 8.8 մլն դոլար), երրորդը՝ Աշոտ Արսենյանը (3 մլրդ 679.4 մլն դրամ կամ 7.6 մլն դոլար)։
Ըստ հայտարարագրած դրամական միջոցների՝ ԱԺ-ում կա 11 դոլարային միլիոնատեր։ Նրանցից 6-ը ՀՀԿ-ից են, 5-ը՝ «Ծառուկյան» խմբակցությունից: Հայտարարագիր լրացրած 101 պատգամավորից 26-ը հայտարարագրել է զրոյական դրամական միջոց։ ԱԺ պատգամավորների կողմից հանձնված փոխառությունների ընդհանուր ծավալը դրամային արտահայտությամբ 112.6 մլրդ դրամ է, դոլարային արտահայտությամբ՝ 232 մլն դոլար։ Փոխառությունների ծավալի մեծ մասը՝ 203.8 մլն դոլարին համարժեք, պատկանում է Գագիկ Ծառուկյանին։
Ի դեպ, եթե ունեցվածքի չափը գնահատելիս հաշվի առնենք ոչ միայն դրամական միջոցները, այլ նաև փոխառությունները, ապա դոլարային միլիոնատերերի թիվը կլինի ոչ թե 11, այլ 12. ցանկին կավելանա նաև Մելիք Մանուկյանը։
Համեմատության համար նշենք, որ նախորդ գումարման խորհրդարանում դոլարային միլիոնատեր պատգամավորների թիվը 14 էր:
