30.06.2026 | 17:45
Ի՞նչ գիտեք` մարդկանց չենք գեներացնում փողոց դուրս գալու համար. Սամվել Կարապետյան․ ՏԵՍԱՆՅՈՒԹ
Չավուշօղլուն արդարանում է․ Ուկրաինային ԱԹՍ-ների վաճառքն ուղղված չէ Ռուսաստանի դեմ
Քաղաքականություն
21.04.2021 | 12:38
Թուրքիայի ԱԳ նախարար Մևլյութ Չավուշօղլուն ասել է, որ Ուկրաինային մարտական անօդաչու թռչող սարքերի վաճառքի գործարքն ուղղված չէ Ռուսաստանի դեմ:
«Այո՛, մենք վաճառում ենք, երբ պահանջարկ կա: Այս գործարքն ուղղված չէ Ռուսաստանի դեմ: Եթե Ռուսաստանին անհրաժեշտ են մեր պաշտպանական արդյունաբերության արտադրանքները, ապա մենք պատրաստ ենք քննարկել»,- ասել է Չավուշօղլուն Haberturk- ի եթերում:
Նա նշել է, որ Անկարան լավ հարաբերություններ ունի երկու երկրների հետ էլ՝ չնայած Սևծովյան տարածաշրջանում տիրող լարված իրավիճակին:
Չավուշօղլուն հավելել է նաև, որ Թուրքիան շարունակում է բանակցությունները ռուսական C-400 զենիթահրթիռային համակարգերի (ԶՀՀ) նոր խմբաքանակ գնելու շուրջ:
«Այժմ բանակցություններ են տարվում С-400-ի այլ պատվերների շուրջ»,- ասել է թուրք նախարարը:
Տաթև Ֆռանգյան
