30.06.2026 | 11:52
Բարձրաձայնել են 79 հազարից ավելի դեպքի մասին, որ անձնագիրը չի ընթերցվել ընտրության օրը․ փոխնախարար․ ՏԵՍԱՆՅՈՒԹ
Ավստրիայի նորանշանակ առողջապահության նախարարն իր երդմնակալությանը ներկայացել է սպորտային կոշիկներով
Քաղաքականություն
19.04.2021 | 21:13
Ավստրիայի նորանշանակ առողջապահության նախարար Վոլֆգանգ Մյուկշթեյնի անվան շուրջ մեծ աղմուկ է բարձրացել, քանի որ վերջինն իր երդմնակալության արարողությանը ներկայացել է սպորտային կոշիկներով, փոխանցում է Euronews-ը։
Ավստրիայի «Կանաչների կուսակցությունից» 46-ամյա բժիշկն այսօր Վիեննայում պաշտոնապես նշանակվել է նախարար երկրի նախագահ Ալեքսանդր Վան դեր Բելենի կողմից։
Սպորտային ոճով հայտնի Մյուկշթեյնն ավելի վաղ Թվիթթերում հրապարակել էր իր լուսանկարը, որտեղ նա Վիեննայում տրամվայով մեկնում է պաշտոնական արարողակարգին։
Սոցցանցերի որոշ օգտատերեր սուր քննադատության են ենթարկել քաղաքական գործչին՝ պաշտոնական էթիկան խախտելու մեջ մեղադրելով, սակայն շատերն էլ գովաբանել են նրան արտաքինի համար։
«Ես մեծագույն հարգանքով եմ վերաբերվում այս պատասխանատու պաշտոնին և ակնկալում եմ լավ համագործակցություն Ավստրիայում ժողովրդի համար»,- գրել է նորանշանակ նախարարը Twitter-ում:
Mit den @wienerlinien auf dem Weg zu meiner Angelobung durch Bundespräsident @vanderbellen pic.twitter.com/Tmsd3Mutek
— Wolfgang Mueckstein (@WolfgangMueckst) April 19, 2021
Տաթև Ֆռանգյան
