29.04.2026 | 14:10
Արմեն Մելիքբեկյանն ու Լևան Կոբիաշվիլին հանդիպել են ՖԻՖԱ-ի նախագահին
Ավագանու նիստի ընթացքում Մարտին Վարդազարյանի ինքնազգացողությունը վատացել է, նրան տեղափոխել են հիվանդանոց
Հասարակություն
13.02.2018 | 13:55
Այսօրվա Երևանի ավագանու լարված նիստում միջադեպերի պակաս չկա: Քիչ առաջ «Հանրապետական» խմբակցության անդամ, մաեստրո Մարտին Վարդազարյանին շտապօգնության աշխատակիցները տարան հիվանդանոց: Ավագանու ՀՀԿ-ական անդամների պնդմամբ՝ Վարդազարյանի ինքնազգացողությունը վատացել է «Երկիր Ծիրանիի» անդամների կողմից դահլիճ բերված կոյուղաջրերի հոտից:
Հիշեցնենք, ավելի վաղ Վարդազարյանը նեղսրտել էր լրագրողների հարցերից՝ պնդելով, թե ինքը չի տեսել, ինչպես են ՀՀԿ-ական տղամարդ ավագանիները ծեծի ենթարկում «Երկիր Ծիրանիի» անդամ Մարիա Խաչատրյանին:
Տեղեկացանք, որ Վարդազարյանին տեղափոխել են Նորք-Մարաշ ԲԿ: Մենք զանգահարեցինք բժշկական կենտրոն, որտեղից տեղեկացրին, որ Վարդազարյանն իրենց հսկողության տակ է, իսկ այլ մանրամասներ կհաղորդեն ավելի ուշ:
