17.09.2026 | 10:29
Արտարժույթների փոխարժեքները՝ սեպտեմբերի 17-ի դրությամբ
Բրիտանացի գիտնականներն ուսումնասիրում են COVID-19-ով կրկնակի վարակման հավանականությունը
Քաղաքականություն
19.04.2021 | 22:49
Այսօր Օքսֆորդի համալսարանի գիտնականները սկսել են փորձարկումները, որոնց ընթացքում մարդիկ, որոնք արդեն վարակվել են COVID-19-ով, կրկին կենթարկվեն կորոնավիրուսի ազդեցությանը, որպեսզի գիտնականներն ուսումնասիրեն մարդու իմունային համակարգի պատասխանն ու պարզեն կրկնակի վարակման հավանականությունը: Ըստ Reuters-ի՝ գիտնականներն ակնկալում են, որ նման ուսումնասիրությունը կօգնի նրանց ավելի լավ հասկանալ իմունիտետի բնույթը, մշակել ավելի արդյունավետ պատվաստանյութեր և դեղեր:
Փորձարկման մասնակիցները կլինեն 18-30 տարեկան մարդիկ, որոնք արդեն հիվանդացել են կորոնավիրուսով ոչ ավելի վաղ, քան երեք ամիս առաջ:
Ուսումնասիրության առաջին փուլում կհաստատվի կորոնավիրուսի նվազագույն չափաբաժինը, որը կարող է հիվանդություն առաջացնել՝ աննշան կամ առանց ախտանշանների: Երկրորդ փուլի ընթացքում, որը կսկսվի ամռանը, ուսումնասիրության մասնակիցներին այս չափաբաժնով կներարկեն վիրուսը, ինչից հետո մասնակիցները ստիպված կլինեն առնվազն 17 օր անցկացնել կարանտինում, իսկ գիտնականները ուշադիր կհետևեն նրանց ինքնազգացողությանը: Այն մարդիկ, որոնք կունենան հիվանդության ախտանշաններ, կստանան REGN-COV2 դեղամիջոցը, որը մշակվել է Regeneron Pharmaceuticals ամերիկյան կենսատեխնոլոգիական ընկերության կողմից:
Տաթև Ֆռանգյան
