25.04.2026 | 15:40
Մեզ պետք է հասկանալ՝ ինչքան երջանիկ ենք, որ ունենք Հայաստանի Հանրապետությունը․ Փաշինյան․ ՏԵՍԱՆՅՈւԹ
Հայ ռազմագերիների, այլ գերեվարվածների և տեղահանված անձանց հարցի քննարկումը ներառվեց ԵԽԽՎ լիագումար նիստի օրակարգում. Ռուբինյան
Քաղաքականություն
19.04.2021 | 14:44
«Հայ ռազմագերիների, այլ գերեվարվածների և տեղահանված անձանց հարցի քննարկումը քվեարկությամբ ներառվեց ԵԽԽՎ լիագումար նիստի օրակարգում։ Քննարկումը տեղի կունենա վաղը»,- ֆեյսբուքյան գրառմամբ տեղեկացնում է ՀՀ ԱԺ պատգամավոր, ԱԺ Արտաքին հարաբերությունների մշտական հանձնաժողովի նախագահ Ռուբեն Ռուբինյանը:
ԵԽԽՎ պաշտոնական կայքէջում նշվում է, որ «Վեհաժողովը որոշում է կայացրել հրատապ քննարկում անցկացնել «Ալեքսեյ Նավալնիի 2021 թվականի հունվարին ձերբակալման», «Թուրքիայում ժողովրդավարական ինստիտուտների աշխատանքների», ինչպես նաև «Քովիդ անձնագրերի կամ հավաստագրերի ու մարդու հիմնարար իրավունքների պաշտպանության» և «հայ ռազմագերիների և այլ գերեվարվածների» վերաբերյալ հարցերը։
Նշվում է նաև, որ ԵԽԽՎ-ում Գերմանիայի նախագահության կապակցությամբ խորհրդարանականներին ելույթով կդիմի Գերմանիայի կանցլեր Անգելա Մերկելը և Եվրոպայի պետնախարար Մայքլ Ռոթը: Ելույթ կունենան նաև Եվրախորհրդարանի նախագահ Դեյվիդ Սասոլին, Մոլդովայի Հանրապետության նախագահ Մայա Սանդուն և կազմակերպության գլխավոր քարտուղար Մարիա Պեյչինովիչ Բուրիչը։
