17.05.2026 | 16:12
Խափանում մետրոպոլիտենում․ այն կաշխատի մեկ գծանի երկկողմանի երթևեկությամբ
Գագիկ Ջհանգիրյանը իշխանության սրտի թեկնածուն չէ․ Արթուր Հովհաննիսյան. ՏԵՍԱՆՅՈՒԹ
Քաղաքականություն
19.04.2021 | 14:32
ԲԴԽ նախագահ Ռուբեն Վարդազարյանի դեմ քրեական գործ է հարուցվել, և իրավապաշտպանների ու ընդդիմադիր գործիչների գնահատմամբ՝ նրա նկատմամբ տեղի է ունենում քաղաքական հետապնդում:
Factor.am-ի հետ զրույցում անդրադառնալով այս դիտարկմանը՝ «Իմ քայլը» խմբակցության պատգամավոր Արթուր Հովհաննիսյանը նշեց, որ պետք է հաշվի առնել այն, որ Ռ. Վարդազարյանի հայտարարությունը դատավորներին ուղղված հստակ մեսիջ էր՝ գործել քաղաքական իշխանություններին դեմ: «Երկրում տեղի էր ունեցել ահաբեկչական գործողություն՝ մահափորձ ԱԺ նախագահի նկատմամբ, և դրանից հետո ԲԴԽ-ի նախագահի նման հայտարարությունը այլ կերպ, քան դատավորներին ուղղված մարտակոչ, դիտարկել չէր կարելի: Այդ համատեքստում մեզ ուղղված մեղադրանքները անհիմն եմ համարում: Մեր իշխանության օրոք քաղաքական մոտիվներով գործեր չեն «կարվել» մարդկանց վրա»,- նշեց պատգամավորը:
Դիտարկմանը, որ փաստորեն իշխանությունը Գագիկ Ջհանգիրյանին հենց այդ առաքելությամբ «գործուղեց» ԲԴԽ, որ փոխարինի Ռուբեն Վարդազարյանին՝ Արթուր Հովհաննիսյանը պատասխանեց. «Գագիկ Ջհանգիրյանը իշխանության սրտի թեկնածուն չէ, մենք այդ տրամաբանությամբ չենք ընտրում դատավորներ… Այդ սցենարը պլանավորված չի եղել»:
Մանրամասները՝ տեսանյութում:
