11.10.2026 | 21:39
Երևան-Սևան ճանապարհին մեքենան գլորվել է 20 մետր խորությամբ ձորը
Կսահմանվի ընտանեկան գերեզմանում հուղարկավորվելու իրավունք ունեցող անձանց շրջանակը
Քաղաքականություն
19.04.2021 | 11:36
Ազգային ժողովն առաջին ընթերցմամբ ընդունեց Նիկոլայ Բաղդասարյանի, Սերգեյ Մովսիսյանի և Վիկտոր Ենգիբարյանի հեղինակած ««Հուղարկավորությունների կազմակերպման և գերեզմանատների ու դիակիզարանների շահագործման մասին» օրենքում և ««Վարչական իրավախախտումների վերաբերյալ» օրենսգրքում փոփոխությունների փաթեթն առաջին ընթերցմամբ ընդունելու հարցը:
Նիկոլայ Բաղդասարյանի խոսքով՝ նախագծով հստակեցվում է «մահացածի հարազատներ» հասկացությունը: Ընտանիքի անդամներ են համարվում՝ ծնողները, զավակները, որդեգրողները, որդեգրվածները, հարազատ և ոչ հարազատ (համահայր կամ համամայր) եղբայրները և քույրերը, պապը, տատը, թոռները, ինչպես նաև ամուսինը և ամուսնու ծնողները, վերջինների համար՝ նաև փեսան և հարսը: Մեկ գերեզմանատեղի համար համայնքային գերեզմանատներում անվճար կհատկացվի 2.5 քառակուսի մետր հողատարածք՝ 2.5 x 1.0 մետր չափերով, իսկ ընտանեկան գերեզմանում հուղարկավորությունը կազմակերպելու համար համայնքի գերեզմանատներում գերեզման շահագործողին անվճար հիմունքներով կտրամադրվի մինչև 12.5 քառակուսի մետր հողատարածք՝ 2.5 x 5 մետր չափերով
Նախագիծն առաջին ընթերցմամբ ընդունվեց 80 «կողմ», 1 «դեմ» և 23 «ձեռնպահ» ձայներով:
