15.12.2025 | 10:52
Կա հանրային պահանջ՝ տրանսպորտում վերահսկողությունը խստացնելու, 24 հաստիք կավելանա․ Ավինյան. ՏԵՍԱՆՅՈՒԹ
ՌԴ-ն 72 ժամ է տվել բերման ենթարկված ուկրաինական հյուպատոսին՝ երկիրը լքելու համար
Քաղաքականություն
17.04.2021 | 19:29
Ռուսաստանը որոշել է արտաքսել Սանկտ Պետերբուրգում Ուկրաինայի գլխավոր հյուպատոս Ալեքսանդր Սոսոնյուկին, որը Անվտանգության դաշնային ծառայության կողմից բերման էր ենթարկվել: Այս մասին տեղեկանում ենք ՌԴ ԱԳՆ հրապարակած հաղորդագրությունից։
«Ապրիլի 17-ին Ռուսաստանի արտգործնախարարություն է կանչվել ՌԴ-ում Ուկրաինայի գործերի ժամանակավոր հավատարմատար Վասիլի Պոկոտիլոն: Ռուսական կողմը հայտնել է, որ անընդունելի է այդպիսի գործելաոճը, անհամատեղելի է հյուպատոսական ծառայության աշխատակցի կարգավիճակի հետ և վնաս է հասցնում Ռուսաստան Դաշնության անվտանգային հետաքրքրություններին»,- ասվում է հաղորդագրությունում:
Նշվում է, որ հյուպատոսի գտնվելը ՌԴ տարածքում անցանկալի է և ապրիլի 19-ից սկսած դիվանագետը 72 ժամ ունի՝ երկիրը լքելու համար:
