24.04.2026 | 15:21
Հայոց ցեղասպանության 111-րդ տարելիցին հարգանքի տուրք ենք մատուցում 1,5 միլիոն զոհերի հիշատակին. Հունաստանի նախագահ
Հնդկաստանը պայքարում է կորոնավիրուսային համաճարակի երկրորդ ալիքի դեմ նոր հակառեկորդներով․ հիվանդանոցները լեփ-լեցուն են
Քաղաքականություն
16.04.2021 | 22:04
Հնդկաստանը շարունակում է COVID-19-ով վարակումների թվի նոր հակառեկորդներ գրանցել՝ կրոնական ծիսակարգերի, ինչպես նաև քարոզարշավների անցկացման ֆոնին, չնայած բազմաթիվ խորհուրդներին, որ այս ամենը կարող է վատթարացնել երկրում համաճարակային իրավիճակը, գրում է Reuters-ը։
Հնդկաստանը պայքարում է կորոնավիրուսային համաճարակի երկրորդ ալիքի դեմ՝ Մումբայում, Նյու Դելիում և այլ քաղաքներում խիստ սահմանափակումներով։ Երկրում կոչ են անում երկրի իշխանություններին արագացնել պատվաստման ծրագիրը, քանի որ հիվանդանոցներն արդեն իսկ լցված են հիվանդներով։
Երկրի Առողջապահության նախարարությունն այսօր հայտարարել է վարակի 217,353 նոր դեպքերի մասին։ Այս ցուցանիշը ռեկորդային է վերջին 9 օրերի ընթացքում։ Այսպիսով, կորոնավիրուսով վարակվածների թիվը Հնդկաստանում հասել է 14,3 միլիոն մարդու։ Այս արդյունքով Հնդկաստանն աշխարհում երկրորդն է ԱՄՆ-ից հետո, որտեղ վարակվածների թիվը 31 միլիոն է։
Տաթև Ֆռանգյան
