24.04.2026 | 23:32
Կապանում ջրանջատում կլինի
Փաշինյանի՝ անկախ պատգամավորի հարցին չպատասխանելու ագրեսիան ավելի շատ իմքայլականներին էր ուղղված. Թագուհի Թովմասյան. ՏԵՍԱՆՅՈՒԹ
Քաղաքականություն
15.04.2021 | 15:10
Նիկոլ Փաշինյանի երեկվա ագրեսիան «Իմ քայլը» լքած պատգամավոր Գոռ Գևորգյանի հասցեին, ավելի շատ ուղղված էր հենց «Իմ քայլի» պատգամավորներին, որովհետև ես կարծում եմ, որ ներսում կա մտավախություն, որ հնարավոր է մեկն էլ է որոշել դուրս գալ խմբակցությունից և հիմա խնդիր կա որևէ մեկին ապացուցելու, որ եթե դու դուրս գաս, քեզ սպասվում է այս ապագան: Այս մասին, այսօր՝ ապրիլի 15-ին, ԱԺ-ում լրագրողների հետ զրույցում նշեց ԱԺ պատգամավոր Թագուհի Թովմասյանը՝ անդրադառնալով դիտարկմանը, որ երեկ վարչապետի Գոռ Գևորգյանի հարցին ի պատասխան ասաց. « Էդ ոնց եք եկել էդտեղ նստել ընդհանրապես, որտեղի՞ց եք եկել, ո՞վ եք, ես ձեր հարցերին հարկ չեմ համարում պատասխանել»:
Նա հիշեցրեց, որ 2019-ին Նիկոլ Փաշինյանը մասնակցել է Գոռ Գևորգյանի գրքի շնորհանդեսին. «Եթե իրենք չգիտեին՝ ով է Գոռ Գևորգյանը, ինչպե՞ս էին ներառել իրենց ցուցակ»:
