24.04.2026 | 23:32
Կապանում ջրանջատում կլինի
Արմեն Սարգսյանը ժամանել է Վրաստան
Քաղաքականություն
15.04.2021 | 15:07
ՀՀ նախագահ Արմեն Սարգսյանը պաշտոնական այցով ժամանել է Վրաստան: Հայաստանի նախագահը Թբիլիսի է ժամանել կնոջ ՝ Նունե Սարգսյանի հետ, գրում է Sputnik Georgia-ն:
Թբիլիսիի միջազգային օդանավակայանում հյուրերին դիմավորել են Վրաստանի արտգործնախարար Դավիթ Զալկալիանին, Վրաստանի նախագահի աշխատակազմի ղեկավար Նաթիա Սուլավան և Հայաստանում Վրաստանի դեսպան Գեորգի Սագանելիձեն: Օրբելիանի պալատում հարգելի հյուրերին կդիմավորի Վրաստանի նախագահ Սալոմե Զուրաբիշվիլին:
Այցի շրջանակներում նախատեսվում է ընդլայնված կազմով դեմ առ դեմ հանդիպում Հայաստանի և Վրաստանի նախագահների միջև, որից հետո Արմեն Սարգսյանն ու Սալոմե Զուրաբիշվիլին հանդես կգան մամուլի համար համատեղ հայտարարություններով:
Բացի այդ, նախատեսվում է Սարգսյանի հանդիպումը Վրաստանի խորհրդարանի խոսնակ Արչիլ Թալակվաձեի հետ: Այցի ընթացքում Սարգսյանը կայցելի հայկական եկեղեցի:
Վրաստանի նախագահ Սալոմե Զուրաբիշվիլին ի պատիվ Հայաստանի նախագահի և նրա կնոջ պաշտոնական ընթրիք կկազմակերպի:
Տաթև Ֆռանգյան
