04.08.2026 | 09:47
ՀՀ տարածքում ավտոճանապարհներն անցանելի են
Իսկ հայհոյելիս տեսախցիկները չե՞ն կաշկանդում պաշտոնյային
Հասարակություն
12.02.2018 | 16:30
Ապրիլի 9-ից՝ նոր կառավարության կազմավորումից հետո, գործադիրի նիստերը դռնփակ անցկացնելու որոշումը արդարադատության նախարար Դավիթ Հարությունյանը հիմնավորում է անկաշկանդ մթնոլորտում աշխատելու անհրաժեշտությամբ: Լրագրողներն ու տեսախցիկները, ըստ նրա, կաշկանդում են պաշտոնյային՝ մտքերն ազատորեն արտահայտելու և քննարկում ծավալելու հարցում:
Գուցե իրոք նման պաշտոնյաներ կան. Օրինակ՝ Factor.am-ի հետ զրույցում կրթության և գիտության նախարար Լևոն Մկրտչյանն ասաց, թե ինքը կաշկանդվում է տեսախցիկներից, իսկ նույն կուսակցության՝ ՀՅԴ-ի մեկ այլ ներկայացուցիչ՝ բնապահպանության նախարար Արծվիկ Մինասյանն ասաց, որ երբեք էլ չի կաշկանդվել: Նույնն ասաց նաև արտակարգ իրավիճակների նախարար Դավիթ Տոնոյանը: Իսկ ահա գյուղատնտեսության նախարար Իգնատի Առաքելյանն ու մշակույթի նախարար Արմեն Ամիրյանը կաշկանդվող նախարարների շարքից են: Մնացածը դեռ լռում են. գուցե կաշկանդվո՞ւմ են արտահայտվել:
Այնուամենայնիվ, ունենք բազմաթիվ օրինակներ, երբ պաշտոնյաները՝ կլինի նախարար, պատգամավոր, նախագահ, բոլորովին չեն կաշկանդվում տեսախցիկից և չեն ջանում լինել զուսպ կամ գոնե՝ կաշկանդված:
Տեսանյութում նշված դեպքերում տեսախցիկը կաշկանդող գործոն չի հանդիսացել պաշտոնյայի համար՝ ոչ կոռեկտ բառապաշարի և պահվածքի հարցում:
Սևակ Հակոբյան
