18.11.2024 | 19:21
Վարչապետը շրջայց է կատարել Վատիկանի թանգարաններում, ծաղիկներ խոնարհել Գրիգոր Լուսավորչի և Գրիգոր Նարեկացու արձանների մոտ
Սահմանադրական դատարանը ապրիլի 13-ին կքննի Նաիրա Զոհրաբյանի պաշտոնանկության վերաբերյալ ԲՀԿ-ի դիմումը
Հասարակություն
11.04.2021 | 17:00
ՍԴ-ից տեղեկանում ենք, որ ապրիլի 13-ին գրավոր ընթացակարգով ՍԴ-ն քննության կառնի ԱԺ ԲՀԿ խմբակցության պատգամավոր Նաիրա Զոհրաբյանին՝ Մարդու իրավունքների պաշտպանության և հանրային հարցերի մշտական հանձնաժողովի նախագահի լիազորությունների դադարեցման մասին Ազգային ժողովի 2020 թվականի դեկտեմբերի 29-ի թիվ ԱԺՈ-014-Ա որոշման՝ Սահմանադրությանը համապատասխանության հարցը որոշելու վերաբերյալ դիմումը։
Գործի դատաքննությունը կսկսվի 2021 թվականի ապրիլի 13-ին՝ ժամը 11.00-ին, գործով զեկուցող է նշանակվել Սահմանադրական դատարանի դատավոր Էդգար Շաթիրյանը։
Հիշեցնենք, որ «Բարգավաճ Հայաստան»-ը Նաիրա Զոհրաբյանին Ազգային ժողովի Մարդու իրավունքների պաշտպանության և հանրային հարցերի մշտական հանձնաժողովի նախագահի պաշտոնից ազատելու հարցով դիմել էր Սահմանադրական դատարան՝ իշխանական իմքայլական պատգամավորների նախագիծը որակելով հակասահմանադրական։
Իշխող խմբակցությունը պաշտոնանկությունը պատճառաբանում էր են Նաիրա Զոհրաբյանի՝ Ֆեյսբուքում կատարած հետևյալ գրառմամբ․ «Ես ժեխին հայրենիք չեմ տալու։ Ժեխն իմ երկրում այլևս ոչինչ չի որոշելու: Ու եթե պետք լինի, այո, մինչև կրթական որոշակի ցենզի հասնելը, ժեխին պիտի զրկել որևէ կարգի որոշում կայացնելու և առաջին հերթին՝ ընտրելու իրավունքից: Ու բռնի ուժով տանել կրթելու: Սա այլևս տեսակի կռիվ է՝ ժողովրդի ու ժեխի կռիվ. Ո՞ր տեսակը կհաղթի՝ էնպիսի պետություն էլ կունենանք»։
Լիլիթ Շաբոյան
