15.12.2025 | 13:11
«Լեգիայի» երկրպագուները շնորհակալություն են հայտնել ՖԱՖ-ին
Ուկրաինան Դոնբասի առնչությամբ ՌԴ-ի դեմ հայց է ներկայացրել միջազգային քրեական դատարան
Քաղաքականություն
08.04.2021 | 22:43
Ուկրաինայի գլխավոր դատախազի տեղակալ Գյունդուզ Մամեդովը հաղորդում է ուղարկել Միջազգային քրեական դատարանի դատախազի գրասենյակ՝ Իլովայսկում և Դոնեցկի օդանավակայանում 2014-2015թթ. իրադարձությունների կապակցությամբ, հաղորդում է ՌԻԱ Նովոստին:
«Գլխավոր դատախազի տեղակալ Գյունդուզ Մամեդովը ստորագրեց և ուղարկեց Միջազգային քրեական դատարանի դատախազին մեկ այլ տեղեկատվական հաղորդագրություն՝ Դոնեցկի մարզում Ռուսաստանի Դաշնության ներկայացուցիչների և նրանց վերահսկողության տակ գտնվող անօրինական զինված խմբերի կողմից միջազգային մարդասիրական իրավունքի լուրջ խախտումների մասին: 2014 թվականի օգոստոսի 29-ին Իլովայսկում տեղի ունեցած իրադարձությունների ընթացքում ու Դոնեցկի օդանավակայանի պաշտպանության ժամանակ զինված բախումների պայմաններում կատարված հանցագործությունների վերաբերյալ գլխավոր դատախազությունը հավաքագրել է փաստեր և ապացույցներ, որոնք հաստատում են ուկրաինացի զինվորականների դավաճանական սպանությունն ու վիրավորումը 2015-ի հունվարի 19-21-ը»,- ասված է հայտարարության մեջ:
Գլխավոր դատախազի գրասենյակը հայտնել է, որ Կիևը հաղորդագրություն է պատրաստել՝ հիմնվելով քրեական գործերի նյութերի, բաց աղբյուրներից ստացված լուսանկարների և տեսանյութերի, ինչպես նաև իր կողմից հավաքված իրեղեն ապացույցների վրա:
Գերատեսչության տվյալներով՝ նրանք կրակ են բացել Իլովայսկի շրջանում գտնվող զինված ուժերի և Կարմիր խաչի մեքենայի ուղղությամբ, որտեղ կազմակերպվել էր «կանաչ միջանցք»՝ անվտանգության ուժերին շրջապատումից դուրս բերելու համար, որոնք, իբրև, վայր էին դրել զենքերը: Ենթադրվում է նաև, որ Դոնեցկի օդանավակայանի պաշտպանության ժամանակ 25 զինծառայող է սպանվել, ևս 22-ը՝ գերեվարվել պայթյունի արդյունքում, որը, իբր, միլիցիան էր կազմակերպել «լռության ռեժիմի» պատրվակով:
Ըստ գլխավոր դատախազի գրասենյակի՝ Իլովայսկի մոտակայքում 366 ուկրաինացի զինվոր է սպանվել, 429-ը տարբեր ծանրության վիրավորում ստացել, 300-ը գերի է ընկել, 24-ը՝ անհետ կորել:
