18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
ՀՀ մարզերում վերսկսվել են կենսական նշանակության ճանապարհահատվածների վերականգնման աշխատանքները
Հասարակություն
07.04.2021 | 18:17
ՀՀ մարզերում վերսկսվել են կենսական նշանակության ճանապարհահատվածների վերականգնման աշխատանքները: Այս մասին իր ֆեյսբուքյան էջում տեղեկացնում է տարածքային կառավարման և ենթակառուցվածքների նախարար Սուրեն Պապիկյանը։
Այս տարի կենսական նշանակության ճանապարհներ են վերականգնվում հանրապետության Լոռու‚ Արագածոտնի‚ Սյունիքի‚ Արարատի‚ Արմավիրի‚ Գեղարքունիքի‚ Շիրակի մարզերում։
Վերականգնվող ճանապարհներն են՝
• Շիրակ-Կամո (5 կմ)
• Մ6-Եղեգնուտ-Դեբեդ (8.2 կմ)
• Մ1-Ներքին Սասնաշեն-Մեծաձոր (9.8 կմ)
• Տ-5-32-Կաթնաջուր (4.7 կմ)
• Մ2-Նորավան (5.45 կմ)
• Հ12-Նորամարգ-Հովտաշեն-Մ2 (4.4 կմ)
• Մ4-Սևան- «Աղթամար» համալիր- Մ4 (5.3 կմ)
• Մ11-Ախպրաձոր ճանապարհի 2 հատվածները (15.37 կմ)
• Լուկաշին-Հ17 (3.15 կմ)
• Դաստակերտ-Նժդեհ-Ցղունի (5.4 կմ)
• Խոտ (1.96 կմ)
Ծրագրի շրջանակներում ՀՀ մարզերում կվերականգնվի մոտ 68.7 կմ երկարությամբ 12 ճանապարհահատված։ Ճանապարհների վերականգնումը նախատեսված է ավարտել 2021 թվականին։
Կենսական նշանակության ճանապարհներն ապահովում են համայնքների և հիմնական ճանապարհների (հանրապետական կամ միջպետական նշանակության) միջև տրանսպորտային կապը՝ բարելավելով բնակչության կենսամակարդակը։ Ծրագիրն իրականացվում է Համաշխարհային բանկի և ՀՀ կառավարության համաֆինանսավորմամբ։
