05.05.2024 | 21:52
7 ոսկի և 2 արծաթ. Հայաստանի հավաքականը ավարտեց ելույթները ուշուի ԵԱ-ում
Ուկրաինայի անդամակցությունը ՆԱՏՕ-ին Դոնբասում պատերազմը դադարեցնելու միակ միջոցն է․ Զելենսկի
Քաղաքականություն
06.04.2021 | 19:47
Ուկրաինայի անդամակցությունը ՆԱՏՕ-ին Կիևի համար Դոնբասում պատերազմը դադարեցնելու միակ միջոցն է: Այս մասին հայտարարել է Ուկրաինայի նախագահ Վլադիմիր Զելենսկին ՆԱՏՕ-ի գլխավոր քարտուղար Յենս Ստոլտենբերգի հետ հեռախոսազրույցի ընթացքում, գրում է Lenta-ն։
Զելենսկին Ստոլտենբերգին պատմել է, որ վերջին շաբաթներին Կիևը նկատում է Ռուսաստանի օկուպացիոն ուժերի կողմից հրադադարի ռեժիմի խախտման դեպքերի ավելացման վտանգավոր միտում: Ուկրաինայի նախագահը նաև կոչ է արել ՆԱՏՕ-ի անդամ երկրներին՝ ավելի շատ ուշադրություն դարձնել Սև ծովի անվտանգությանը և ամրապնդել իրենց ներկայությունը Սևծովյան տարածաշրջանում:
«Նման մշտական ներկայությունը պետք է հզոր կանխարգելիչ միջոց լինի Ռուսաստանի համար, որը շարունակում է զանգվածաբար ռազմականացնել տարածաշրջանը և խոչընդոտել առևտրային բեռնափոխադրումներին»,- բացատրել է Զելինսկին:
Ուկրաինայի նախագահը հայտարարել է, որ երկիրը բարեփոխում է բանակը, սակայն «միայն բարեփոխումները չեն կարող կանգնեցնել Ռուսաստանին»:
«ՆԱՏՕ-ն Դոնբասում պատերազմը դադարեցնելու միակ միջոցն է: Դաշինքին անդամակցության գործողությունների ծրագիրն իրական ազդակ կլինի Ռուսաստանի Դաշնության համար»,- հավելել է Զելենսկին:
Տաթև Ֆռանգյան
