16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Ալիևը հանձնարարել է Արցախի գրավյալ տարածքներում ջրամբարներ կառուցել
Քաղաքականություն
05.04.2021 | 22:33
Ադրբեջանի նախագահ Իլհամ Ալիևը հանձնարարել է դիտարկել Արցախի գրավյալ տարածքներում ջրամբարներ կառուցելու անհրաժեշտության հարցը, հաղորդում են ադրբեջանական լրատվամիջոցները։
«Այդ հարցը պարտադիր պետք է ուսումնասիրել, ջրամբարների կառուցման անհրաժեշտություն կա»,- ասել էԱլիևը «Մելիորացիայի ու ջրային կառավարման» ԲԲԸ-ի նորանշանակ տնօրեն Զաուր Միքայիլովի հետ տեսակոնֆերանսի ժամանակ։
Նա նաև նշել է, որ ջրի ամենամեծ աղբյուրներն Իրանի հետ սահմանին Խոդաֆերինի ու Գիզ Գալասի ջրամբարներն են։
«Խոդեֆերինի ջրամբարի ծավալը 1․6 մլրդ խորանարդ մետր է, և դա շատ մեծ պաշար է։ Դրա օգտագործման համար պետք է լրացուցիչ ենթակառուցվածքային ծրագրեր իրականացնել։ Առաջին հերթին պետք է կառուցել ջրանցքներ Զանգելան, Ջաբրայիլ, Կուբաթլու ու այլ շրջաններ ջուրը փոխադրելու համար»,- ասել է Ալիևը։
Նա նաև հավելել է, որ բոլոր ջրային ռեսուրսները պետք է մանրամասն ուսումնասիրել՝ նշելով, որ գետերը, որոնք սկիզբ են առնում Արցախի գրավյալ տարածքներից, մեծ պոտենցիալ ունեն։ Նրա խոսքով՝ այդ տարածքներում 10 գետ է սկիզբ առնում և պետք է դա արդյունավետ օգտագործել։
Էմմա Չոբանյան
