11.10.2026 | 21:39
Երևան-Սևան ճանապարհին մեքենան գլորվել է 20 մետր խորությամբ ձորը
Մոսկվան լրացուցիչ միջոցներ կձեռնարկի՝ Ուկրաինայի շուրջ ՆԱՏՕ-ի ուժերի ուժեղացման դեպքում․ Պեսկով
Քաղաքականություն
02.04.2021 | 16:41
Մոսկվան ստիպված կլինի լրացուցիչ միջոցներ ձեռնարկել իր անվտանգությունն ապահովելու համար՝ Ուկրաինայի շուրջ Հյուսիսատլանտյան դաշինքի ուժերի հնարավոր ուժեղացման դեպքում: Նման հայտարարություն է արել ՌԴ նախագահի խոսնակ Դմիտրի Պեսկովը, գրում է «Կոմսոմոլսկայա պրավդան»:
Նա նշել է, որ նման սցենարը «կհանգեցնի Ռուսաստանի սահմանների մոտ լարվածության աճին»։
«Իհարկե, դա ռուսական կողմից լրացուցիչ միջոցներ կպահանջի՝ անվտանգությունն ապահովելու համար»,- ասել է Կրեմլի խոսնակը:
Պեսկովը վախեցնող է անվանել իրավիճակը Դոնբասի շփման գծում՝ նշելով, որ ուկրաինացի զինվորականների սադրանքները բազմակի բնույթ են կրում:
Հիշեցնենք՝ ավելի վաղ Ուկրաինայի Պաշտպանության նախարարությունը, վարչության պետ Անդրեյ Տարանի և Պենտագոնի ղեկավար Լլոյդ Օսթինի բանակցություններից հետո, հայտարարել էր, որ Վաշինգտոնը պատրաստ է աջակցել Կիևին «ռուսական ագրեսիայի սրման դեպքում»։
Տաթև Ֆռանգյան
