19.05.2026 | 21:15
Զրկված վարորդների երկրորդ շանսը․ ինչու է Փաշինյանն ընտրություններից առաջ ներողամիտ դարձել. ՏԵՍԱՆՅՈՒԹ
Ստեփանավանի ոստիկաններն ապօրինի ծառահատման դեպք են բացահայտել
Հասարակություն
01.04.2021 | 22:30
ՀՀ ոստիկանության Ստեփանավանի բաժնի համայնքային ոստիկանները մարտի 25-ին Կուրթան գյուղի տարածքում շրջայցի ժամանակ ստուգել են Եղեգնուտ գյուղի 28-ամյա բնակչի՝ փայտանյութով բեռնված «Ֆորդ Տրանզիտ» մակնիշի մեքենան։
Ինչպես տեղեկացնում են ՀՀ ոստիկանության հասարակայնության հետ կապերի և լրատվության վարչությունից, վարորդը փայտանյութի օրինականությունը վկայող փաստաթուղթ չի ներկայացրել։
Պարզվել է՝ մարտի 15-ին նա բենզասղոցով Եղեգնուտ գյուղի հանդամասից ապօրինի հատել է բոխու և կաղնու ծառեր, իսկ փայտանյութը վաճառել 25-ամյա ուղևորին, որը Շիրակի մարզի Փոքր Մանթաշ գյուղի բնակիչ է, և պատրաստվում էր փայտանյութը տեղափոխել Փոքր Մանթաշ:
Ըստ աղբյուրի՝ փայտանյութով բեռնված մեքենան տեղափոխվել է ոստիկանության Ստեփանավանի բաժնի հատուկ պահպանվող տարածք: Նշանակվել է մասնագիտական ստուգում։ Փաստի առթիվ նախապատրաստվում են նյութեր:
