30.06.2026 | 13:16
Տաքսու վարորդներն ու բոլոր գրանցված աշխատողները հունվարի 1-ից առողջության ապահովագրություն կունենան․ ՏԵՍԱՆՅՈՒԹ
Վաղը կկայանա Օնիկ Գասպարյանն ընդդեմ վարչապետի և նախագահի գործով դատական նիստը
Քաղաքականություն
01.04.2021 | 16:06
Վաղը Վարչական դատարանում դատավոր Մհեր Պետրոսյանի նախագահությամբ կկայանա ՀՀ ԶՈՒ Գլխավոր շտաբի նախկին պետ Օնիկ Գասպարյանն ընդդեմ վարչապետ Նիկոլ Փաշինյանի և նախագահ Արմեն Սարգսյանի գործով նիստը։
Հիշեցնենք, որ Գասպարյանը դատարանից պահանջում է իրեն աշխատանքից ազատելու մասին նախագահի՝ իրավունքի ուժով ընդունված հրամանագիրն առոչինչ ճանաչել։
Նշենք, որ Մհեր Պետրոսյանը, քննելով այս գործը, միջանկյալ որոշում էր կայացրել, ըստ որի՝ ԳՇ պետը շարունակում էր մնալ Օնիկ Գասպարյանը, մինչդեռ Կառավարությունը որոշումը չընդունեց և ԳՇ պետ նշանակեց Արտակ Դավթյանին։ Վաղվա նիստին կքննարկվի վարչապետի ներկայացուցչի միջնորդությունը՝ հայցի ապահովման միջոցը վերացնելու վերաբերյալ։
Լիլիթ Շաբոյան
