16.12.2025 | 13:11
ԵՄ-ն ՀՀ-ին 20 մլն եվրո կտրամադրի. Հունգարիայի վետոն վերացվել է
Ադրբեջանը գերիներին չի վերադարձնում քաղաքական նպատակների համար. ՀՀ ՄԻՊ
Հասարակություն
31.03.2021 | 13:16
Ադրբեջանը հայ գերիներին չի վերադարձնում՝ այդ հանգամանքն օգտագործելով իր քաղաքական նպատակների համար: Այս մասին այսօր հրավիրված ասուլիսում նշեց ՀՀ Մարդու իրավունքների պաշտպան Արման Թաթոյանը:
«Չափազանց կարևոր են միջազգային ճնշումները, և ցույց տալը, թե ինչով է պայմանավորված գերիների հարցը:
Գերիների հարցով կան շահարկումներ՝ երկու կողմից էլ: Անկախ այդ ամենից՝ հարցն այն է, որ Ադրբեջանը գերիներին չի վերադարձնում, ակնհայտորեն այդ հանգամանքն օգտագործելով իր քաղաքական տարբեր նպատակների համար: Դա պատերազմական հանցագործության հասնող արարք է: Մենք պետք է միջազգային կառույցներին սա ճիշտ ներկայացնենք:
Մենք ունենք ընթացող զինված հակամարտություն, սա բավարար փաստ է, որ հիմա ցանկացած պահի գերեվարված անձը ռազմագերի է: Ադրբեջանի արարքները վկայում են, որ մեր նկատմամբ ատելության ու թշնամանքի քաղաքականությունն այնտեղ բարձր աստիճանի վրա է»,- նշեց Թաթոյանը՝ հավելելով, որ պատերազմն ավարտված չէ, այն նոր դրսևորումներ է ստանում:
Մանրամասները՝ տեսանյութում:
