17.04.2026 | 23:38
Ավտոերթով պայմանավորված՝ երթևեկությունը որոշ հատվածներում ժամանակավորապես կսահմանափակվի. ՆԳՆ
Ծաղրի եք ենթարկում իրավական պետությունը. կուզեի՞ք՝ Ձեր պես դատավոր դատեր Ձեզ. Պողոսյանը՝ դատավորին․ ՏԵՍԱՆՅՈՒԹ
Հասարակություն
30.03.2021 | 14:22
Երևանի ընդհանուր իրավասության դատարանի Շենգավիթի նստավայրում ընթանում է Ռոբերտ Քոչարյանի և մյուսների գործով դատական նիստը։
Յուրի Խաչատուրովի պաշտպան Միհրան Պողոսյանը հայտարարեց, թե, փաստորեն, ՀՀ գլխավոր դատախազությունում մի դատախազ չկա, որ գա ու այսօրվա դատական նիստին ՀՀ անունից հանդես գա։ «Մինչ այդ տպավորություն էր, թե դատախազությունում դատախազ չի մնացել, կռիվ են անում, որ գան այս դատական նիստին մեղադրանք պաշտպանեն»,- ասաց Պողոսյանը։
Նրա խոսքով՝ ինքն այսօր չի եկել դատական նիստի, քանի որ ՍԴ որոշումից հետո իր դատավարական կարգավիճակը դադարեցված է։ «Չկա այս գործով օրինական մեղադրանք, չկա ամբաստանյալ, չկա նաև ամբաստանյալի պաշտպան, ես էսօր եկել էի կոնկրետ որոշում ստանայի Ձեզանից ու հեռանայի, հարգելի դատարան»,- նշեց Խաչատուրովի փաստաբանը։
Միհրան Պողոսյանի խոսքով՝ դատավոր Աննա Դանիբեկյանի համար ՍԴ որոշումը փրկության ճյուղ է եղել։
«Շեղվում եք քննարկվող հարցից», – միջամտեց դատավոր Աննա Դանիբեկյանը։
«Դուք պատկերացնո՞ւմ եք՝ ինչ եք անում, Դուք Ձեզ կողքից տեսե՞լ եք, դուք կուզենա՞ք Ձեզ դատի Ձեր նման դատավորը: Դուք ծաղրի եք ենթարկում իրավական պետությունը»,- հունից դուրս եկավ Պողոսյանը։
Մանրամասները՝ տեսանյութում:
