Հասարակություն
29.03.2021 | 14:51Սահմանադրական դատարանը հակասահմանադրական է ճանաչել ՀՀ քրեական օրենսգրքի 300.1 հոդվածը: ՀՀ ՔՕ 300.1 հոդվածը սահմանում է սահմանադրական կարգը տապալումը, որով մեղադրանք է առաջադրված ՀՀ երկրորդ նախագահ Ռոբերտ Քոչարյանին, ԳՇ նախկին պետ Յուրի Խաչատուրովին, Պաշտպանության նախկին նախարար Սեյրան Օհանյանին։ Հոդվածը ճանաչվել է Սահմանադրության 78-րդ և 79-րդ հոդվածներին հակասող և անվավեր։ ՍԴ որոշումն այսօր՝ հրապարակվելուց հետո, մտնելու է ուժի մեջ։
«Օրենքով դատարանը ոչ թե վաղը, այլ հենց այսօր պետք է հրատապ նիստ հրավիրի ու հենց այսօր պետք է քրեական հետապնդումը դադարեցնի և պարոն Քոչարյանի, և մյուս երեք մեղադրյալի նկատմամբ, ու 300.1 հոդվածով քրեական գործով վարույթը պետք է կարճվի»,- այս մասին այսօր հրավիրված ասուլիսում ասաց Ռոբերտ Քոչարյանի փաստաբանական խմբի անդամ Հայկ Ալումյան:
Փաստաբանի խոսքով՝ համապատասխան միջնորդություններն արդեն ներկայացված են. «Թեև, եթե միջնորդություններն էլ չներկայացվեին, դատարանը պետք է դա անի։ Մեղադրող կողմն էլ պետք է հրաժարվի մեղադրանքից»։
Մանրամասները՝ տեսանյութում:
