31.10.2026 | 22:55
Հայտնաբերվել է զինծառայողի դի. ՊՆ
Համաձայն չեմ, որ պատերազմն արտաքին քաղաքականության ձախողումից էր. ԱԳ նախարարը՝ Արման Բաբաջանյանին․ ՏԵՍԱՆՅՈՒԹ
Տեսանյութեր
29.03.2021 | 13:44
Պատերազմն ապացույցն է մեր արտաքին քաղաքականության տապալման. պատերազմը վկայությունն է, որ պետությունը սպառել է խաղաղ կարգավորման միջոցների գործիքակազմը: Այս մասին ԱԺ արտաքին հարաբերությունների մշտական հանձնաժողովի արտահերթ նիստում ասաց ԱԺ պատգամավոր Արման Բաբաջանյանը:
«Համաձայն չեմ, որ պատերազմն արտաքին քաղաքականության և դիվանագիտության ձախողումից էր: Հայաստանը բոլոր ջանքերը գործադրել է, որպեսզի հարցը լուծվի խաղաղ բանակցությունների ճանապարհով, նույնն արել են նաև Մինսկի խմբի համանախագահները: Ադրբեջանը մերժել է փոխզիջումային բոլոր տարբերակները…
2020-ի Արցախյան պատերազմը ի ցույց դրեց մեր թույլ կողմերը, ներքին սխալները, այդ թվում՝ նաև արտաքին գերատեսչության:
Մենք հիմա բոլորս մեղավորներ ենք փնտրում, բայց դրա ժամանակը կգա, մենք համակողմանի կվերլուծենք՝ ինչ և ինչպես տեղի ունեցավ:
Եվ ընդհանրապես, ամեն ինչ բարդել միայն մեկ երկրի վրա՝ ճիշտ չէ: Դա ժողովրդավարության պարտությունն ու նահանջն էր: Սա ապացուցեց, որ ներկայումս, երբ աշխարհը զբաղված է համավարակի հետևանքով իր առջև ծառացած խնդիրներով, ավտորիտար ռեժիմները ժամանակ են գտել իրենց նպատակներն առաջ մղելու համար»,- ընդգծեց նախարարը:
