20.02.2026 | 18:41
Հայաստանը կարող է Ադրբեջանի և Թուրքիայի միջև էներգետիկ համագործակցության մաս դառնալ. Թուրքիայի էներգետիկայի նախարար
Դատավորը պարզաբանում է, թե ինչու է Օնիկ Գասպարյանի հայցադիմումը վերադարձրել. ՏԵՍԱՆՅՈՒԹ
Հասարակություն
26.03.2021 | 15:07
Վարչական դատարանը՝ դատավոր Լիանա Հակոբյանի նախագահությամբ, վերադարձրել է ՀՀ զինված ուժերի գլխավոր շտաբի նախկին պետ Օնիկ Գասպարյանի հայցադիմումն ընդդեմ ՀՀ նախագահ Արմեն Սարգսյանի և ՀՀ վարչապետ Նիկոլ Փաշինյանի։
Դատավորը լրագրողների հետ զրույցում պարզաբանեց, թե ինչու է Օնիկ Գասպարյանի հայցադիմումը վերադարձրել:
«Հայցադիմումը, որով պահանջվում էր առ ոչինչ ճանաչել ԳՇ պետին ազատելու մասին հրամանագիրը, վերադարձվել է՝ այն հիմնավորմամբ, որ ոչ ճիշտ հայցատեսակ է ընտրվել: Իրենց իրավունքն է՝ կարող են շտկած վերադարձնել, կարող են բողոքարկել Վերաքննիչ դատարանում»,- նշեց Հակոբյանը:
Անդրադառնալով հարցին, թե դատավորների վրա ճնշումներ լինո՞ւմ են իշխանության կողմից, Հակոբյանը վստահեցրեց. «Ոչ, մենք աշխատում ենք անկախ, ինձ վրա ես ճնշում չեմ զգացել»: Նա նաև ընդգծեց, որ ցանկացած ճնշում դատարանի նկատմամբ անօրինական վարքագիծ է:
Հակոբյանի խոսքով՝ եթե դատավորն ունի ներքին անկախություն և իր մեջ ուժ է գտնում անկախ աշխատելու, որևէ լծակ և իշխանության որևէ ճյուղ չի կարող նրա վրա ճնշում գործադրել։
Մանրամասները՝ տեսանյութում:
