Քաղաքականություն
25.03.2021 | 12:06Ազգային ժողովն այսօր ընդունեց պայմանագրային զինծառայության տարիքային շեմը բարձրացնելու նախագիծը։ Դրա համաձայն՝ պայմանագրային ծառայության մեջ կարող են ընդգրկվել մինչև 63 տարեկան քաղաքացիները։
—
Կառավարության այսօրվա նիստում աշխատանքի և սոցիալական հարցերի նախարար Մեսրոպ Առաքելյանը ներկայացրել է նախագիծ, որով տունը կորցրած արցախցիներին հյուրընկալած ընտանիքները ևս 3 ամիս պետությունից աջակցություն կստանան: Նախարարը հայտնել է, որ պատերազմից հետո Հայաստանում 25-30 հազար արցախցի է ապրում։
—
ՀՀ բարձր տեխնոլոգիաների նախարար Հակոբ Արշակյանը գրել է, որ առաջիկա 5 տարիների ընթացքում Հայաստանում բարձր տեխնոլոգիաների ոլորտում առնվազն 20,000 նոր մասնագետների կարիք կլինի։ Նա քաղաքացիներին կոչ է անում ընտրել բնագիտական մասնագիտություններ։
—
Հայաստանում մեկ օրում հաստատվել է կորոնավիրուսով վարակման 1257 դեպք։ Մեկ օրում մահացել է 24 վարակակիր, որոնցից 18-ի մահվան պատճառը հենց վիրուսային հիվանդությունն է եղել։
