16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Պատերազմից հետո Հայաստանում 25-30 հազար արցախցի է ապրում. սոցապնախարար. ՏԵՍԱՆՅՈՒԹ
Հասարակություն
25.03.2021 | 11:29
Կառավարության այսօրվա նիստին Աշխատանքի և սոցիալական հարցերի նախարարՄեսրոպ Առաքելյանը ներկայացրեց նախագիծ, ըստ որի՝ 2020 թվականի սեպտեմբերի 27-ից Ադրբեջանի կողմից Արցախի ուղղությամբ սկսված ռազմական գործողությունների հետևանէով Արցախի վերահսկողության տակ գտնվող համայնքներում հաշվառված հասցեում գտնվող բնակելի անշարժ գույքը ավերածությունների հետևանքով կամ այլ պատճառներով կորցրած չափահաս քաղաքացիներին ժամակավոր հյուրընկալության ծախսերի փոխհատուցման եռամսյա ծրագրում փոփոխություն կկատարվի:
Նախարարի խոսքով՝ քաղաքացիները, ովքեր հյուրընկալել են արցախցիներին՝ մեկ չափահաս անձի հաշվարկով ստանում են 30 հազար դրամ ՀՀ-ում, իսկ Արցախում՝ 45 հազար դրամ: «Ամսական կտրվածքով աջակցություն է ստանում 3000 հյուրընկալ, որոնք հյուրընկալում են 7000-ից ավելի չափահաս քաղաքացու»:
Առաքելյանի տեղեկացմամբ՝ պատերազմից հետո Հայաստանում 25-30 հազար արցախցի է ապրում:
Նախարար Առաքելյանը նշեց նաև, որ երեկ Արցախի մոտ 80 հազար քաղաքացի ստացել է 68 հազար դրամ աջակցությունը:
Մանրամասները՝ տեսանյութում:
