19.12.2025 | 18:39
Դեսպան Արմեն Սարգսյանը համատեղության կարգով նշանակվել է Գանայում ՀՀ դեսպան
ԱՀԿ-ն կանխատեսում է Եվրոպայում կորոնավիրուսով վարակվածների թվի ավելացում
Քաղաքականություն
24.03.2021 | 15:15
Եվրոպայի բազմաթիվ երկրներում այժմ ավելանում է կորոնավիրուսային ինֆեկցիայի տարածումը, ԱՀԿ-ն կանխատեսում է հաջորդ մի քանի շաբաթների ընթացքում հիվանդության թվի ավելացում։ Այս մասին ՏԱՍՍ-ին տված հարցազրույցի ժամանակ հայտարարել է Առողջապահության համաշխարհային կազմակերպության (ԱՀԿ) Եվրոպայի տարածաշրջանային գրասենյակի տնօրեն Հանս Կլյուգեն։
«Ցավոք, ինֆեկցիայի տարածումն ուժեղանում է եվրոպական երկրների մեծ մասում, ինչը հանգեցնում է ամենօրյա վարակման ու մահացությունների թվերի աճի։ Մենք կարծում ենք, որ հաջորդ չորս շաբաթվա ընթացքում այս ցուցանիշների աճի միտում կա։ Բայց դա կարող է փոխվել, եթե պատվաստումներն ավելի արագ արվեն, եթե մարդիկ ավելի շատ օգտագործեն պաշտպանիչ դիմակներ:
Գարնանային ալիքը հաղթահարելու հիմնական ռազմավարությունը պատվաստումների արագացումն է և պաշտպանիչ դիմակների կրումը։ Նոր ալիքների հաղթահարման և որոշ երկրներում գերբեռնված հիվանդանոցներից խուսափելու համար անհրաժեշտ կլինի ավելի խիստ միջոցներ, ներառյալ՝ սոցիալական հեռավորությունը:
Եվ սա հատկապես կարևոր է, քանի որ եվրոպական երկրների մեծ մասում մենք տեսնում ենք կորոնավիրուսի մուտացիայի ենթարկված տարբերակների տարածումը, որն առաջին անգամ հայտնաբերվել է Բրիտանիայում, իսկ այժմ դարձել է գերիշխող: Մենք գիտենք, որ այս տարբերակն ավելի արագ է տարածվում»,- հայտարարել է Կլյուգեն:
Տաթև Ֆռանգյան
