30.06.2026 | 23:28
«Ուիմբլդոն»․ Կարեն Խաչանովը մեկնարկել է հաղթանակով
Իրանում ահաբեկչություն է տեղի ունեցել․ կա զոհ
Քաղաքականություն
21.03.2021 | 16:27
Իրանի հարավ-արևելքում տեղի ունեցած պայթյունի հետևանքով առնվազն մեկ մարդ է զոհվել, ևս երեքը վիրավորվել են:
Այս մասին հաղորդում է Mehr գործակալությունը՝ վկայակոչելով Իսլամական հեղափոխության պահապանների կորպուսի մամուլի ծառայությանը։ Իրանի իշխանությունները պայթյունը ահաբեկչություն են որակում։
Նշվում է, որ Սիստան և Բելուջիստան նահանգի Սարավան շրջանի բնակավայրերից մեկի հրապարակում պայթյունը կազմակերպել է ահաբեկչական խումբը։ Պայթյունը տեղի է ունեցել տեղական ժամանակով ժամը 09:30-ին: Բնակավայրի և ահաբեկչական խմբավորման անունները չեն նշվում։
Սիստան և Բելուջիստան նահանգը սահմանակից է Պակիստանին և Աֆղանստանին, և արտասահմանից թմրանյութերի շրջանառության մեծ մասը, ինչպես նաև վառելիքի և այլ ապրանքների մաքսանենգության զգալի մասը հայտնաբերվում է այդ շրջաններում: Բացի այդ, այդ նահանգում գործում են մի շարք անջատողական և իսլամիստական խմբավորումներ։
