08.11.2024 | 13:25
Կառավարությունը հաստատել է «Նախադպրոցական կրթության մասին» օրենքի փոփոխության նախագիծը
Ճապոնիայում 7.2 բալ ուժգնությամբ երկրաշարժ է տեղի ունեցել․ այն զգացվել է նաև Տոկիոյում
Քաղաքականություն
20.03.2021 | 19:28
Ճապոնիայի հյուսիս-արևելքում ուժեղ երկրաշարժ է տեղի ունեցել։ Տեղական լրատվամիջոցների հաղորդմամբ՝ ստորգետնյա ցնցումների ուժգնությունը կազմել է 7.2 բալ, հաղորդում է DW-ի ռուսական ծառայությունը։
Արտակարգ իրավիճակների ծառայությունները նախազգուշացրել են ցունամիի վտանգի մասին՝ նշելով, որ ափամերձ շրջանները կարող են մինչև մեկ մետր բարձրությամբ ալիքով ծածկվել։ Ավելի ուշ, սակայն, այս նախազգուշացումը չեղարկվել է։
Երկրաշարժը զգացվել է նաև մայրաքաղաք Տոկիոյում։ Հաղորդվում է շուրջ մեկ տասնյակ տուժածի մասին։ Առնվազն 200 տնային տնտեսություն առանց էլեկտրականության է մնացել։
Նշվում է, որ տասը տարի առաջ երկրի նույն հատվածում տեղի ունեցած երկրաշարժը ցունամի էր առաջացրել, որի հետևանքով շուրջ 20 հազար մարդ էր զոհվել։ Աղետը նաև «Ֆուկուսիմա 1» ատոմակայանում խոշոր վթարի պատճառ էր դարձել։
