11.10.2026 | 20:00
15 հազար մարդ Հայաստան է գալիս․ ի՞նչ է սպասվում COP17-ում․ բնությունը մարդուց պաշտպանելու ՇԵՐՏԵՐԸ
Արցախում ռուսական սակրավորների կողմից մոտ 1700 հա տարածք մաքրվել է պայթուցիկ նյութերից
18.03.2021 | 22:50
Ռուսաստանի խաղաղապահ զորակազմի մարդասիրական ականազերծման անձնակազմը շարունակում է աշխատանքը Արցախի տարածքը պայթուցիկ օբյեկտներից մաքրելու ուղղությամբ, այս մասին տեղեկացնում է ՌԴ ՊՆ կայքը:
Օրվա ընթացքում Մարտակերտի տարածքում ռուս սակրավորները վնասազերծել են 152 մմ տրամաչափի 12 պայթուցիկ հրետանային արկ:
Ընդհանուր առմամբ, 2020 թ.-ի նոյեմբերի 23-ից մինչ օրս չպայթած զինամթերքից մաքրվել, հայտնաբերվել և վնասազերծվել է 1,690 հա տարածք, 525 կմ ճանապարհ, 1613 բնակելի շենք, ներառյալ 30 սոցիալական նշանակության օբյեկտ, 25 237 պայթուցիկ նյութ:
Հայտնաբերված պայթուցիկ օբյեկտները դուրս են բերվել և ոչնչացվել հատուկ սարքավորված զորավարժարանում: Այն զինամթերքը, որը հնարավոր չէր տարհանել, ոչնչացվել էր տեղում ՝ պայթեցման գործողությունների համար անհրաժեշտ բոլոր անհրաժեշտ անվտանգության միջոցներով:
