09.06.2026 | 20:55
Հայաստանի հավաքականը բաց թողեց հաղթանակը Մոլդովայի դեմ խաղում. ՏԵՍԱՆՅՈՒԹ
Առաջիկայում Վրաստանում ևս մի քանի սահմանափակում կվերացվի
Քաղաքականություն
18.03.2021 | 21:36
Վրաստանի կառավարությունում գործող միջգերատեսչական խորհրդի որոշմամբ առաջիկայում երկրում կորոնավիրուսի տարածման կանխարգելման նպատակով սահմանված ևս մի քանի սահմանափակում կվերացվի, գրում է aliq.ge-ն:
Համաճարակային իրավիճակը հաշվի առնելով՝ միջգերատեսչական խորհուրդը որոշում է կայացրել՝
- ապրիլի 1-ից կանոնակարգերի պահպանմամբ թույլատրել մանկական ժամանցի կենտրոնների և կինոթատրոնների աշխատանքը,
- ռեստորաններում մարտի 19-ից թույլատրել կենդանի երաժշտությունը։
Ինչպես նաև, մարտի 28-ին կայանալիք Վրաստան-Իսպանիա ֆուտբոլային հանդիպմանը երկրպագուների 30 տոկոսը հնարավորություն կունենա դիտել խաղը «Դինամո» մարզադաշտում :
Երկրպագուների 30 տոկոսը կկարողանա հաճախել նաև Ձյուդոյի մրցույթին:
Այս փուլում ուժի մեջ է մնում երեկոյան ժամերին տեղաշարժի արգելքը:
