17.09.2026 | 19:38
Մինսկի փողոցում սեպտեմբերի 18-ից կկազմակերպվեն հետիոտնային անցում և հասարակական տրանսպորտի կանգառներ
ՆԱՏՕ-ն կշարունակի ընդլայնել իր ներկայությունը սևծովյան տարածաշրջանում․ Ստոլտենբերգ
Քաղաքականություն
18.03.2021 | 16:43
Քանի որ Ռուսաստանն օգտագործում է իր կողմից անեքսիայի ենթարկած Ղրիմը ռազմական հզորության մեծացման համար, ՆԱՏՕ-ն կշարունակի ընդլայնել իր ներկայությունը Սևծովյան տարածաշրջանում։ Այս մասին հայտարարել է դաշինքի գլխավոր քարտուղար Յենս Ստոլտենբերգը՝ Վրաստանի վարչապետ Իրակլի Ղարիբաշվիլիի հետ Բրյուսելում կայացած մամլո ասուլիսի ժամանակ, գրում է DW-ի ռուսական ծառայությունը։
«Մենք կշարունակենք ինտենսիվորեն շարունակել մեր մարզումներն ու վարժանքները։ Եվ կմեծացնենք մեր համատեղ իրավիճակային մարտական պատրաստակամությունը, այդ թվում նաև սևծովյան տարածաշրջանում»,- խոստացել է Ստոլտենբերգը՝ ի նկատի ունենալով Վրաստանի հետ համագործակցությունը։
Միևնույն ժամանակ, Դաշինքի գլխավոր քարտուղարը շեշտել է, որ ՆԱՏՕ-ն հանդես է գալիս Վրաստանի ինքնիշխանության և տարածքային ամբողջականության օգտին `իր միջազգային ճանաչման սահմաններում:
«Մենք շարունակում ենք Ռուսաստանին կոչ անել հրաժարվել Աբխազիայի և Հարավային Օսիայի ճանաչումից և իր զորքերը դուրս բերել այդ շրջաններից», – հայտնել է Ստոլտենբերգը:
Տաթև Ֆռանգյան
