27.11.2024 | 22:49
Երևանի քաղաքապետն այցելել է Լոս Անջելեսի տրանսպորտի կառավարման կենտրոն
Բրազիլիայում համավարակի մեկնարկից ի վեր առողջապահության 3-րդ նախարարին են աշխատանքից ազատում. REUTERS
Քաղաքականություն
16.03.2021 | 14:48
Բրազիլիայի նախագահ Ժաիր Բոլսոնարուն երկրում նոր առողջապահության նախարար կնշանակի։ Կորոնավիրուսային համավարակի մեկնարկից ի վեր՝ նա կդառնա երկրի առողջապահական գերատեսչության չորրորդ նոր ղեկավարը: Այս մասին հայտնում է Reuters-ը։
Նշվում է, որ ներկայիս նախարար Էդուարդո Պասուելոն հեռացվում է պաշտոնից, քանի որ երկրում COVID-19 դեպքերը դուրս են գալիս վերահսկողությունից, և որ նրա պաշտոնավարման վերջին շաբաթն ամենամահաբերն է եղել կորոնավիրուսի համավարակի մեկնարկից ի վեր:
Ըստ Բոլսոնարուի՝ ավելի քան 279․000 բրազիլացի է մահացել վարակի բռնկման սրացման հետևանքով։ Բացի այդ, անցյալ շաբաթ Բրազիլիայում ավելի շատ մարդ է մահացել, քան ցանկացած այլ երկրում:
Reuters-ի փոխանցմամբ՝ Բրազիլիայի առողջապահության ներկայիս նախարարը բանակի գեներալ է և բժշկական կրթություն չունի: Նա քննադատվել է հանրային առողջապահական փորձի բացակայության և COVID-19-ի դեմ պայքարում չփորձարկված դեղամիջոցներ կիրառելու՝ Բոլսոնարոյի ջանքերին աջակցելու համար՝ միևնույն ժամանակ թերագնահատելով սոցիալական հեռավորության պահպանման անհրաժեշտությունը:
Ըստ Reuters-ի՝ առաջիկա 1-2 շաբաթվա ընթացքում նոր նախարար կարող է դառնալ բժիշկ, Բրազիլիայի սրտաբանների միության նախագահ Մարսելու Կեյրոգան:
Նելլի Մելքոնյան
