30.06.2026 | 20:30
Հայերեն խոսող բրազիլուհին. հարսնացուն Ռիոյից. ՏԵՍԱՆՅՈՒԹ
Նույն խնդիրները ինչ մենք ունենք, ունեն աշխարհի առաջատար քաղաքները․ Հայկ Մարության. ՏԵՍԱՆՅՈՒԹ
Տնտեսություն
16.03.2021 | 14:42
Երևանի քաղաքապետ Հայկ Մարությանը Երևանի ավագանու այսօրվա նիստին անդրադարձավ 2020 թվականի բյուջեի կատարողականի ցուցանիշին՝ նշելով, որ անգամ աշխարհի ամենամեծ երկրների տնտեսություններն են շատ մեծ վնասներ կրել Քովիդ-19-ի պատճառով, իսկ Երևանը նաև նախորդ տարվա երկրորդ կեսին մեկ այլ արհավիրքի՝ պատերազմի բախվեց, որը ևս ցուցանիշների անկման վրա մեծ ազդեցություն է ունեցել:
«Սկսենք կորոնավիրուսից: 300 միլիոնի միայն անցումների տենդերներ էին դրված, մարդիկ չեն եկել չեն մասնակցել, որովհետև մարդը հասկանում է, որ գա մասնակցի, հաղթի, էս սահմանափակումների վիճակում չի կարողանալու կատարել աշխատանքները և, բնականաբար, ընկնելու է «սև ցուցակ»: Բոլորն անընդհատ հույս էին փայփայում, որ այս վիճակը կանցնի, և տարվա երկրորդ կեսից կսկսեն նորմալ աշխատել… Այն խնդիրները, ինչ մենք ունենք, ունեն նաև աշխարհի լավագույն քաղաքները…
Եթե դրանով միայն սահմանափակվեր 2020 թվականը, մենք Աստծուց շատ շնորհակալ կլինեինք: Բայց եկավ երկրորդ արհավիրքը, որը կարելի է ասել՝ ջնջեց բոլորիս պլաններն ու ամեն ինչ: Ի՞նչ կապ ունի դրա հետ կատարողականը՝ շատ ուղիղ: Նախ՝ սկսենք նրանից, որ մարդկային ռեսուրսը ուղղվեց դեպի մոբ, շինարարական տեխնիկան ամբողջությամբ ուղղվեց դեպի ռազմաճակատ, այսինքն՝ բացարձակ կանգնեցին շինարարական աշխատանքները:
Եվ էս պարագայում ասել՝ դե, ամեն ինչը չի կարելի գցել կորոնավիրուսի ու պատերազմի վրա, ոչ մեկը ոչ մի բանի վրա չի ուզում ոչինչ գցել, արձանագրում ենք այն, ինչ եղել է: Դե ֆակտո այդ աշխատանքները կատարվել են, երևանցին դա տեսել է, և ես 74% կատարողականը այդ իրավիճակում համարում եմ լավ ցուցանիշ: Ես նաև հավաքագրումը՝ 91% հավաքագրումն եմ համարում լավ ցուցանիշ»,- նշեց Մարությանը:
