17.12.2025 | 12:45
Ավինյանի անունը հանել եմ, նույնաբովանդակ հաղորդում ներկայացրել, քրեական վարույթ է հարուցվել․ Չախոյան․ ՏԵՍԱՆՅՈՒԹ
Մյանմարում ուժայինները հերթական անգամ կրակ են բացել ցուցարարների վրա․ կա 5 զոհ
Քաղաքականություն
15.03.2021 | 16:47
Մյանմարի անվտանգության ուժերը երկուշաբթի կրակ են բացել ժողովրդավարության կողմնակից ցուցարարների վրա՝ սպանելով 5 մարդու, գրում է Reuters-ը՝ հղում կատարելով տեղի լրատվամիջոցներին ու ականատեսներին։ Տեղեկացվում է, որ տասնյակ ցուցարարների գնդակահարությունից մեկ օր անց Յանգոն քաղաքում չինական ֆինանսավորմամբ մի քանի գործարաններ են այրվել:
Ձերբակալված դեմոկրատական առաջնորդ Աուն Սան Սու Կիի կողմնակիցները կրկին երթ են անցկացրել, այդ թվում ՝ մեծությամբ երկրի երկրորդ Մանդալայ քաղաքում և Արևմտյան Հախա քաղաքում, որտեղ ցույցերը խաղաղ բնույթ են կրել, սակայն կենտրոնական Մյինգյան և Աունգլան քաղաքներում ոստիկանությունը կրակ է բացել ցուցարարների վրա, հայտնում են ականատեսները:
«Մի աղջկա գլխին կրակեցին, իսկ մի տղայի ՝ դեմքին։ Ես հիմա թաքնվում եմ», – հեռախոսով Reuters- ին ասել է Մյինգյանում գտնվող 18-ամյա ցուցարարը:
Myanmar Now լրատվամիջոցը հայտնում է, որ այնտեղ սպանվել է երեք մարդ, իսկ Աունգլան քաղաքում ՝ երկու մարդ:
Տաթև Ֆռանգյան
