16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Ռազմական դրությունը վերացնելու վերաբերյալ ԼՀ-ի նախագիծը բացասական եզրակացություն ստացավ
Քաղաքականություն
15.03.2021 | 12:15
ԱԺ պաշտպանության և անվտանգության հարցերի հանձնաժողովում այսօր քննարկվում է «Լուսավոր Հայաստան» և «Բարգավաճ Հայաստան» խմբակցությունների հեղինակած՝ «ՀՀ-ում ռազմական դրության ռեժիմը վերացնելու մասին» նախագիծը։
«Բարգավաճ Հայաստան» խմբակցության պատգամավոր Արման Աբովյանը հետաքրքրվեց, թե ինչու է կառավարությունը նախատեսում 7-10 օր հետո հանել ռազմական դրությունը: «Եկեք հիմա հանենք, ինչո՞ւ ենք սպասում 7-10 օր: Եթե շատ լուրջ հիմնավորում կա, եթե վտանգավոր իրավիճակ է ռազմական առումով, ապա հնչեցրե՛ք այդ մասին»:
ԱԺ պաշտպանության և անվտանգության հարցերի հանձնաժողովի նախագահ Անդրանիկ Քոչարյանը պատասխանեց. «Եթե ամեն օր հետևենք լրատվական դաշտին, կտեսնենք, որ ոչ թե լուրջ է, այլ գերլուրջ է, բայց իրականությունը որն է, դա արդեն իշխանությունները պետք է գնահատեն և իրականացնեն գործողություններ: ՀՀ հյուսիսային սահմանից մինչև հարավային սահմանի վերաբերյալ ժողովրդի մեջ այնպիսի վախեր ենք մտցրել, որ ժողովրդին մնում է վեշերը հավաքել և գնալ: Բանակն իր մարտական խնդիրն այս պահին էլ կատարում է… Համապատասախան քաղաքական կոնսուլտացիաների ավարտին, եթե դա ավարտվի արտահերթ ընտրությունների մասին համաձայնությամբ, բնականաբար այս ռեժիմը պահպանել հնարավոր չի լինի»:
Նախագիծը դրվեց քվեարկության, դրական եզրակացություն չստացավ:
Մանրամասները՝ տեսանյութում:
