15.04.2025 | 23:57
Անախորժ իրավիճակ` Չեմպիոնների լիգայի «Ասթոն Վիլլա»-ՊՍԺ խաղից առաջ
Վահրամ Բաղդասարյանը մանրամասնում է, թե ինչ է խոսել նախագահի հետ. ՏԵՍԱՆՅՈՒԹ
Քաղաքականություն
09.03.2021 | 17:43
Նախագահ Արմեն Սարգսյանը «Հայրենիքի փրկության շարժման» մաս կազմող՝ Հայաստանի Հանրապետական կուսակցության Գործադիր մարմնի անդամ Վահրամ Բաղդասարյանի հետ քննարկել է երկրի ընդհանուր ներքաղաքական վիճակը, ինչպես նաև ԶՈՒ ԳՇ պետ Օնիկ Գասպարյանի ազատման հրամանագրի նախագծի սահմանադրականության հարցով Սահմանադրական դատարան դիմելու մասին հարցը։ Այս մասին այսօր՝ մարտի 9-ին, Բաղրամյան պողոտայում, ընդդիմության հանրահավաքի ժամանակ լրագրողների հետ զրույցում ասաց Վահրամ Բաղդասարյանը։
««Հայրենիքի փրկության շարժումը» պնդել է իր դիրքորոշում, որ միակ լուծումը հակասահմանադրական փաստաթուղթը՝ Օնիկ Գասպարյանի ազատման հրամանը, պետք է ուղարկվի Սահմանադրական դատարան»,- նշեց Բաղդասարյանը։
«Նախագահի հետ հանդիպել են երեք անգամ: Առաջին հանդիպման ժամանակ մենք բավականին բազմաբովանդակ խոսել ենք, ներկայացրել էինք մեր պահանջները։ Սա երրորդ հանդիպումն էր, նախագահը կարիք ուներ ինչ-որ դետալներ ճշտելու, խոստացավ, որ մինչև օրենքով սահմանված օրվա վերջը ինքը կմտածի և իր որոշման մասին տեղյակ կպահվի։ նախագահն իրավունք ունի մինչև սահմանված ժամկետն ուղարկելու, նա չի ասում՝ չեմ ուղարկում, պարզապես նա բաներ ունի ճշտելու»։
Հարցին՝ այդ դեպքում ինչո՞ւ է նախագահը հապաղում, Բաղդասարյանն ասաց. «Դա իրեն հարցրեք։ Ինձ համար էլ է զարմանալի հապաղման իմաստը»։
Մանրամասները՝ տեսանյութում:
