17.09.2026 | 12:30
Ալիևը հայտարարել է, թե «Ղարաբաղի հաղթանակը թյուրքական երկրները կապող Զանգեզուրի միջանցքի իրականացման հիմքը դրեց»
Թուրքիան նախազգուշացնում է ԱՄՆ-ին՝ Անկարայի վրա ճնշումների հետևանքների մասին
Քաղաքականություն
08.03.2021 | 14:49
Թուրքիայի նախագահ Ռեջեփ Թայիփ Էրդողանի մամուլի քարտուղար Իբրահիմ Քալընը նախազգուշացրել է ԱՄՆ-ին՝ ռուսական С-400 զենիթահրթիռային համակարգերի գնման կապակցությամբ ԱՄՆ-ի կողմից Անկարայի վրա ճնշումների հետևանքների մասին, գրում է Bloomberg-ը։
«Երբ մի երկիր մեզ մաքսիմալիստական դիրքորոշմամբ պահանջներ է առաջադրում` «կա՛մ կլինի մեր ձևով, կա՛մ ընդհանրապես չի լինի» ոճով, ապա այդպիսի մոտեցումը մեզ այլ ուղղությունների է մղում»,- մեջբերել է գործակալությունը թուրք առաջնորդի ներկայացուցչի խոսքը:
Քալընի խոսքով՝ Թուրքիան կարող է ունենալ С-400 համակարգեր՝ չխախտելով ՆԱՏՕ-ի պաշտպանական համակարգը, և այս հարցը անհրաժեշտ է լուծել Վաշինգտոնի հետ կառուցողական երկխոսության միջոցով։ Նա նաև նշել է, որ ԱՄՆ-ը պետք է հաշվի առնի С-400-ի հանդեպ Թուրքիայի լուրջ վերաբերմունքն ու հասկանա, որ դրանց գնման վերաբերյալ որոշումը «միանգամից չի կայացվել»։
Տաթև Ֆռանգյան
