17.12.2025 | 16:42
Մարտունու մի գազալցակայանում հայտնաբերվել են թույլատրելի նորմը 8 և 10 անգամ գերազանցող շեղումներ
Բելառուսում 2500 քրգործ է հարուցվել բողոքի ցույցերի մասնակիցների նկատմամբ
Քաղաքականություն
08.03.2021 | 16:09
Բելառուսում զանգվածային անկարգությունների, ոստիկանության ու զինվորականների հանդեպ բռնության դեպքերով քրեական գործեր են հարուցվել։ Ավելի քան 800 դեպքում «հանցագործությունների» հետ կապ ունեցողների ինքնությունը պարզված է. հայտարարել է Բելառուսի ՆԳՆ փոխնախարար Գենադի Կազակևիչը, գրում է DW-ի ռուսական ծառայությունը։
«Բելառուսում 2020 թվականի օգոստոս ամսից հարուցվել է ավելի քան 2500 քրեական գործ՝ բողոքի ցույցերի փաստի առթիվ»,- հայտնել է փոխնախարարը։
Նրա խոսքով՝ քրեական գործեր են հարուցվել զանգվածային անկարգությունների, գույքի վնասման, խուլիգանության, վիրավորանքների, զրպարտության, ոստիկանության ու զինվորականների հանդեպ բռնության սպառնալիքների հոդվածներով։ Ընդ որում, դեպքերի 70%-ի դեպքում խոսքը գնացել է համացանցով գրառումների մասին։
Հիշեցնենք՝ Բելառուսում զանգվածային բողոքի ցույցեր են սկսվել օգոստոսի 9-ին գրանցված նախագահական ընտրություններից անմիջապես հետո, երբ ԿԸՀ-ն կրկին հայտարարեց Ալեքսանդր Լուկաշենկոյի հաղթանակի մասին։
Տաթև Ֆռանգյան
